導師活動

透過義工‧導師活動用日文嚟交流!

ボランティア・チューター
每星期有一次可以同日本人義工交流。
成日都會聽到住响日本嘅外國人講「就算住响日本都冇想像中有咁多機會同日本人交流或者做朋友」或者「朋友都係同聲同氣嘅人,除咗返學之外都冇乜機會用到日文」等等嘅話題。响日本進修日文其中一個優點係可以同日本人傾好多唔同種類嘅話題。大阪YMCA學院日文學科為咗實現依個宗旨,開創咗義工‧導師制度,提供同日本人傾計嘅機會。有興趣的話,每星期有一次同响YMCA登記做「義工」嘅日本人傾計嘅機會,藉此提高自己嘅日文會話能力。可以傾日本嘅野,自己國家嘅野,或者日本人嘅思考方法、大家嘅文化差異等等、總之話題可以自由發揮。


ボランティア・チューターボランティア・チューターボランティア・チューター




學生同義工導師嘅訪問

台灣留學生楊同學嘅訪問﹕

Q:「導師」對楊同學嚟講係一個點樣嘅人?
A:係一個好和善嘅人。因為一直都係一對一,所以覺得好似屋企人咁。而且對於好多野都唔知嘅我嚟講,「導師」簡直就係我嘅「活動字典。」
Q:你會同「導師」傾乜野?
A:因為我鍾意食日本野,所以成日都會要佢介紹又平又好食嘅地方畀我。日常生活上遇到問題嘅時候都會同佢傾。
Q:最後想問你對「導師活動」嘅感想。
A:雖然「導師活動」一個星期得一次,不過係我最開心嘅時間。我覺得「導師」係我留學生活裡面不可或缺嘅人之一。導師,多謝你。

導師﹕熊本先生嘅說話


每次同新學生見面嘅時候,期待嘅同時夾雜住不安,會諗佢哋對「導師」有乜野期望,亦都試過直接問佢哋。當學生發現佢哋嚟日本之前所知道,所想像嘅野同實際有出入嘅時候,好似發現新大陸咁咁開心。而且有時又會用自己國家嘅優點同日本嘅優點做比較,傾大家飲食文化嘅差異等等。我哋亦都得到好多冇辦法透過媒體得到嘅知識同資訊。最重要嘅係我哋會成日提醒自己要企响學生嘅立場同角度嚟同佢哋相處。唔知係咪因為咁,有啲畢咗業十幾年嘅學生仲會記得我哋,而且同我哋保持聯絡。透過咁樣嘅導師活動去同嚟自未踏足過嘅國家嘅學生相處,唔單止可以增廣見聞,覺得仲可以得到活力。

ボランティア・チューターボランティア・チューターボランティア・チューター



同日本人嘅交流

有豐富交流機會嘅YMCA日文學校  

大阪YMCA學院一直積極製造機會畀學生同日本人交流。每年都會參加鄰近嘅高、中、小學所舉辦嘅國際交流活動。另外,同兵庫縣淡路島居民以寄宿形式舉辦嘅三日兩夜交流會「鄉村運動會」亦都受到學生嘅歡迎。仲可以透過YMCA所舉辦唔同嘅活動同日本人嘅學生,義工進行交流。

こうりゅうかいこうりゅうかいこうりゅうかい
いなかのうんどうかいいなかのうんどうかいこんしんかい

FAMILY嘉年華

FAMILY嘉年華係?

FAMILY嘉年華本來係一個支援留學生所開設嘅義賣活動,每年嘅11月3號(文化日)同大阪YMCA有關嘅人一齊,開唔同嘅小食店同舞台演出,一齊度過開心嘅一日。
日文科學每年都會舉辦「國際小食村」,由同學烹調販賣自己國家嘅特色小食,每次都受到大家嘅歡喜同好高嘅評價。當日嘅收益會用嚟做殘疾人士嘅支援、國際和平活動,受災地支援等。其中有一部分會撥落日文學校,對支援留學生有好大幫助。

メキシコりょうりかんこくりょうりタイりょうりベトナムりょうり


國際義工團體 ”WACHACHA-CLUB”

大阪YMCA嘅國際義工團體 ”WACHACHA-CLUB”以支援日文學科留生為中心。舉行入學歡迎會或者係可以體驗日本文化等傳統活動,同大家一齊度過開心嘅時間,亦都會舉辦「拍賣跳蚤市場」提供平價嘅日常生活用品。另外,大阪YMCA舉辦嘅大型活動”FAMILY嘉年華”會由同學烹調販賣自己國家嘅特色小食,為留學生提供各項支援嘅活躍團體。

パーティバザーもちつき