有關入學問題

Q:任何時間都可以申請入學?
全日制綜合日文課程入學時間為(4月、10月)、實用日文課程為(1月、4月、7月、10月)。尤其是需要申請學生簽證入學人士,由於需於開學前幾個月開始申請簽證,一般約於開學前半年作出準備。如無需申請學生簽證,至開學前一個月嘅月尾都本校都可以受理入學申請。
雖然本校隨時接受插班入學申請,不過基於學習效果及適應課程程度等問題,請儘量按課程開學時間申請入學


  • Q:從未學過日文能否申請入學?
    • 至少需要識讀識寫平假名同片假名,可以用日文打招呼、做簡單自我介紹嘅日文程度。申請學生簽證最低基準至少要有150小時學習日文嘅時數。而且於日本學習同生活需要有一定嘅日文程度。
Q:高中未畢業能否申請入學?
如以學習日文為目的而停留日本的話,可以申請入學。若以升讀日本大學、專門學校為目的嘅場合,基於申請條件需為高中畢業(完成12年教育課程),此情況將無法申請入學。
不過,若於日本入讀高中,於畢業後可以得到升學資格。如若打算於本校學習日文後再入讀日本高中,詳情請向本校查詢。
Q:中、小學生能否入學?
本校入學條件原則上需年滿17歲或以上。不過若年滿14歲而且與父母或監護人同住,同時學校內外均無身份擔保問題,於本校面試及通過審核後則可例外接受申請入學。不過此情況只識用於「學習日文後會繼續於日本升學」人士,詳情請向本校查詢


關於申請事宜

Q:申請文件應如何遞交?
填妥相關資文件後,由聯絡人或代理人直接帶至本校櫃台辦理。
如申請手續經本校海外合作留學機構辦理,請向其留學機構提出。


Q:何謂經費支付者及所需資格?
經費支付者指學生於本校就讀期間,直接為學生支付學費、提供生活費之人士。因長期於日本居住,會產生高額嘅留學費用。經費支付者一般指學生嘅監護人,即其父母或親戚(3親等以內﹝1親等為父母、本人、子女,2親等為(外)祖父母、兄弟姊妹、(外)孫,3親等為(外)曾祖父母、父母嘅兄弟姊妹、曾(外)孫﹞)。另外,由於本校唔接受以將來必需償還嘅借款作為留學費用,所以朋友無法成為經費支付者。不過,如因公作需要而被派遣學習進修日文嘅場合則另當別論。
Q:海外有冇可以辦理入學申請嘅辦事處?
有。詳情請參閱此分頁。>> 海外辦事處‧本校海外合作留學機構

關於簽證問題

Q:日文學校能否申請簽證?
如入讀綜合日文課程或實用日文課程可申請辦理留學簽證。本校無法申請辦理留學簽證以外嘅簽證。
Q:學生簽證有冇年齡限制?
年齡上冇特別嚴格嘅限制,不過有一定程度嘅基準。如果提出申請學生簽證嘅時候已經畢業超過5年以上,申請文件上冇詳細列出學日文嘅明確理由同計劃的話,要成功申請留學簽證
將會非常困難。所以如果提出申請簽證嘅時候已經年滿23歲或以上但只有高中畢業程度,又或者大學畢業但係已經年滿27歲或以上,學生簽證嘅審查基準亦都會提高。不過如果申請文件有詳細列出學日文嘅明確理由同計劃的話,則仍然有可能成功申請學生簽證。
Q:何謂留學簽證?
留學簽證原本係升讀大學或者專門所校等高等教育機構時、所獲發名為「留學」嘅居住資格。由於本校嘅「綜合日文課程」係得到文部科學省所認可嘅「準備教育課程」,所以亦都可以獲發「留學」嘅居住資格。簽證有效期限分1年3個月同2年3個月兩種。
另外,2010年6月前接受高等教育機構以外嘅教育課程所獲發嘅簽證為「就學」簽證,現已改為「留學」簽證。入讀本校嘅「實用日文課程」亦都可以獲發留學簽證。簽證有效期限為1年3個月。
Q:能否利用短期逗留簽證,多次出入日本學習日文?
持短期逗留簽證以語言進修為目的嘅入境,原則上只可能使用一次。(根據外務省日本大使館嘅公告)。本校亦無法明確說明以此方法多次出入日本嘅可能性。
以往曾經有以短期逗留簽證停留日本超過一個月,因冇明確停留目的及逗留地點而被入境處拒絕入境嘅情況發生。因此本校並不建議在進行語言進修前長時間滯留日本。


關於課程‧學習事宜

Q:學習日文1年後,日文程度會有幾大進步?
假設全日制(綜合日文課程、實用日文課程),由初級開始學習,1年後可以修畢中級課程。大致可以理解日常生活上會用到嘅日文,亦都可以正確表達自己嘅諗法。詳細內容同修畢各個課程後可以到達嘅程度 請按此
Q:如果學習進度比較快,能否申請跳級?
原則上無法跳級。本校設定嘅學習時間為1日4、5小時,完整修畢一個等級需要6個月時間。通常冇可能達到足以跳級嘅程度。學習日文需要透過每日嘅學習累積知識同經驗,需要知道要完全理解文法同正確運用並唔容易。為自己好好訂立目標,每日做足複習同預習,循序漸進學習,切忌過份急進。
Q:如何決定班別?
開學前會舉行分班考試,以考試成積評定所屬班別。


Q:有冇針對日文能力試或者日本留學試所設嘅對策班?
全日制嘅綜合日文課程同實用日文課程都有針對日文能力試嘅對策班。另外,綜合性日文課程亦都設有為應考日本留學試嘅對策班,同時為應試作出徹底指導。由於有通過考試,不過會話能力不足,又或者冇辦法於現實生活中靈活運用嘅情況出現,所以本校冇單純為應付考試而開設嘅對策班。為學生提供高質數嘅日文教育嘅同時,再提供應付考試嘅對策班先至係本校嘅教育方針。
Q:綜合日文課程嘅英文科為必修科?
英文係持留學證簽學生嘅必修科。其他簽證學生可以自由選修。
Q:放學後能否於學校自修?
可以。學校設有自修室供學生於放學後使用。詳情請向辦事處查詢。

進学・受験関係

Q:升讀日本大學,學幾耐日文比較好?
由初級開始學日文的話,最少要1年半(修畢上級課程)嘅學習時間。4月入學嘅為2年課程。10月入學為1年半課程。
Q:於本國高中畢業而接受教育年數未滿12年,無法升讀入日本大學,有冇其他辦法可以入學?
於本校嘅「綜合日文課程」修讀1年以上同時畢業,就可以得到申請報讀日本大學嘅資格。由於本校嘅「綜合日文課程」得到文部科學省嘅認定,即使於海外已經接受後期中等教育(相等於日本高中)不過接受教育年數未滿12年嘅場合,都可以得到申請報讀日本高等教育機構(大學、專門學校)嘅資格。
Q:升讀大學以理科為目標,學校有冇開設數學或者理科嘅課程?
一般授課時間無開設此類課程,學校可以為有需要人士於暑假等長假期提供課程。如有需要請提早諮詢。

關於學費‧獎學金等


Q:有冇學費減免制度?
原則上入學時無學費減免制度。不過對於因為要宣揚基督教教義而需要學日文嘅人士,以及為宣揚社會正義平和實現而努力嘅NPO∕NGO職員,設有學費減免同獎學金制度。
Q:獎學金能否事先預約報名?
此分頁有詳細介紹本校所提供嘅獎學金詳情 。<詳情請按此> 學生於入學一段時間後,根據申請者嘅出席情況、成績、學習態度等進行審查,由學校內部推薦人選,再由發出獎學金嘅機構或者基金會作出評定,決定得獎者。所以獎學金無法事先預約報名。
Q:學費能否分期繳交?
1年以上長期課程嘅學費可以分期半年繳交一次。如有需要請於辦理入學手續前向辦事處提出申請。

入國‧居住‧生活等問題

Q:於日本生活所需費用大概幾錢?
1個月生活費開支最少要10萬円左右。


Q:除學校網頁所介紹嘅宿舍之外,學校能否介紹其他住屋而且幫忙同房東溝通?
可以。畀學生入住嘅最好係可以減輕經濟負擔、而且有完善保安同衛生管理嘅民間學生宿舍,不過可以介紹畀同學而又滿足到以上條件嘅實在數量有限。可以隨時幫忙確認空缺,如果有空缺可以即時幫忙申請。不過學校無法幫學生同一般地產公司洽談。
Q:日本於租借住屋時因契約所需而要擔保人,學校能否成為擔保人?
抱歉。本校無法為學生成為任何擔保人。
Q: 就學期間能否打工?另外,學校會否介紹兼職?
以留學簽證入學嘅學生於入3個月之後可以向入國管理局申請「資格外活動許可」(即工作證),申請通過之後可以打工。不過學生可以從事嘅職業種類有限制。持留學簽證人士,1個星期嘅打工時數以28小時為上限。若出席率欠佳將無法申請。
另學校無法介紹兼職。
Q: 到達日本時,能否要求學校派人去機場接機?
當學生於日本國內沒有擔保人或聯絡人,同時為申請入住本校所介紹嘅學生宿舍場合,學校會派人去機場接機,繼而陪學生去宿舍及幫忙辦理入住手續。不過如果學生於日本國內有擔保人或聯絡人,或者並非入住本校所介紹嘅學生宿舍場合,原則上無法去機場接機。

其他

Q:能否參觀上堂情況或者試堂?
全日課程無法參觀上堂情況,亦不設試堂。
Q:有冇休學制度?
本校不設休學制度。如因生病或其他原因導致長期(1個月或以上)無法出席上堂,請於該學期辦理該退學手續。
Q:能否由其他日文學校轉至本校,或由本校轉去其他日文學校?
原則上無法轉校。不過如有迫不得已嘅理由,則有被認可嘅可能。
Q:學校有冇食堂?
學校冇食堂。請自行帶備午餐或外出用餐。課室或部分大堂可以用餐。學校亦有微波爐同熱水壺可供使用。
Q:學校有冇電腦畀學生自由使用?
有。本校嘅學生可以自由使用學生電腦。另外,如果自己有手提電腦或者智能手機的話,亦都可以自由使用無線網絡(Wifi)。詳情請向辦事處查詢。

關於YMCA

Q:YMCA係一個點樣嘅團體?
YMCA(Young Men's Christian Association=基督教青年教會)係為實踐基督教精神,於1884年英國倫敦設立,其後擴展至世界各地,特別以教育青少年為中心嘅基督教運動團體。至2010年於世界124個國家同地區,為其社會及世界嘅人群展開各種唔同嘅活動。以令到地球上所有嘅人可以和平共處、共同創造心靈健康豐盛嘅社會為願望。 LinkIcon日本YMCA同盟網頁
Q:聽講YMCA係一個以基督教為信仰嘅團體,冇基督教信仰嘅人能否申請入學?
當然可以。無論邊種宗教信仰都可以申請入讀YMCA。雖然YMCA以基督教為基礎,經常舉辦聖誕節、復活節等義工活動,開學禮、畢業禮亦都以基督教嘅禮拜型式舉行,不過從來冇強制學生嘅行動或者強迫學生參加。現今亦都同嚟自世界各地唔同嘅宗教信仰一齊努力學習。無論邊種思想、信仰、宗教、文化都要互相學習,創造可以和平共存嘅社會係YMCA嘅願望。