教育目標‧方針

用日文將可能性擴大,拓展未來!




●於日本大學、大學院、專門學校等,學習同掌握專門知識同技術。
●運用語言知識,致力於國際工作發展。
●既可以同日本人交流、又可以驗日本文化、擴闊自己嘅視野。


為咗實現以上嘅理想,首要條件係提升日文能力,同時要跟上時代嘅改變,勇於嘗試新體驗,隨時接觸新事物。大阪YMCA學院日文學校為咗幫大家實現理想,開設咗多種唔同種類嘅課程。擁有教學經驗十足而且優秀嘅專業講師,開發高質數而獨特嘅教學方式同教材,同時有最新嘅設備同環境,提供一個同可以同日本以及世界各地不同種族嘅朋友交流,互相理解嘅平台。另外亦都會就學習同日常生活上面個別為同學提供適當嘅指導。
大阪YMCA學院日文學校透過各類型嘅專門培訓、唔單止培訓出可以活躍於日本社會、甚至國際舞台嘅日文能力,仲可以打擴闊眼界,了解其他國家嘅文化。隨住發現自己新嘅能力,應該可以更清楚咁睇到你充滿無限可能嘅未來。

教育目標及方針

掌握高程度綜合日文能力

class
透過大阪YMCA日文學校所獨創嘅教學方法,將「聽、講、讀、寫」嘅綜合能力更加有效率咁提升,以更高嘅日文程度為目標。
達到大學、大學院嘅入學程度,掌握日文能力試一級以上程度固然重要,不過教學上唔會淨係着重於應試技巧,於日本生活又或者工作需要用到嘅日文、理解日本嘅文化傳統等等都係教育重點之一。

達成學習目標,搵到啱自己嘅出路。

所有嘅學生都主動學習,積極參與社會活動,以响日本搵到啱自己嘅出路為目標。
正因為咁,能力卓越、教學經驗豐富,和藹可親嘅教職員會根據每位學生嘅學習需要作出適當嘅判斷,個別為學生提供有效幫助提升能力嘅學習方法。除咗學習上嘅指導之外,升學‧就業出路,或者係適應日本生活嘅指導,甚至辦理簽證手續等等都會為每位學生逐一提供全面合適嘅指導。

適應異國文化、培養溝通能力

透過同當地嘅日本人或者其他國家‧唔同種族同學嘅交流,學習响異國文化入面嘅生存能力,掌握世界通用嘅溝通能力。除咗日常生活上互相理解之外,發生糾紛嘅時候可以易地而處咁思考,學習點樣响專重對方嘅同時,用日文如實咁將自己嘅諗法表達出嚟。

為共同生活、和平而導入日文指導

同身邊嘅人共同生活,以培育出可以造就世界和平嘅人材為目標。所以除咗日文嘅學習之外,YMCA仲會提供好多唔同類型嘅義工活動俾同學積極參與。

教職員

能力卓越、教學經驗豐富而且熱心研究嘅專家

大阪YMCA學院嘅教職員係﹕

①能力同經驗豐富
身為日本教學先驅之一嘅大阪YMCA日文學校,除咗有一班教學經驗豐富嘅教職員之外,暢銷教科書『テーマ別/中級から学ぶ日本語』、『テーマ別/上級で学ぶ日本語』(研究社刊)亦都係出自佢哋手筆。同時响開發研究教材方面亦都榮獲日本語教育振興協會所頒贈嘅補助金,實績同實力都得到公認而且備受好評。

②經常研究,熱心學習,不斷接受新挑戰
每星期舉行研究會議,每日檢討教學方案到夜晚,對學習同研究嘅熱誠甚至比學生仲努力。經常觀察留意學生學習上嘅需求,亦都會為學習進度比較慢嘅學生補習等等。另外會同世界各地嘅YMCA日文學校舉辦一年一次嘅教師研討會,就各種唔同大細嘅主題進行演講或者研究,互相分享最新嘅研究結果。


teachers_comprehensive_course
綜合日文課程講師


teachers_practical_courseteachers_practical_course
實用日文課程講師


教育施設



school building 2002年落成嘅校舍,位於大阪市中心,面向大阪市其中一條最重要嘅通路—谷町筋,交通非常便利。寛敞舒適嘅間隔用嚟做語言課室最適合不過。每一班人數上限18人,比(財)日語教育振興協會所規定嘅20人更加容易管理。
pc_classlecture roomclassroombulletin




3樓至6樓總共有16個課室,2樓係典禮或者共同課程所用嘅多功能課室。
1樓大堂設有免費Wifi畀同學使用,大家用自己嘅電腦或者智能手機上網。櫃檯亦都設有電腦方便同學查詢升學資料同收發電郵。


PC cornerrobyemergency_map




响度可以搵到大學同專門學校所需要嘅入學資料,亦都設有相談室可以同導師相談,或者透過電腦收集學校情報。房入面除咗有學習用嘅教科書之外, 仲齊備唔同種類嘅升學資料,有需要嘅同學可以隨時借閱。另外亦都設有圖書館。
天台有運動場,午休嘅時候可以打籃球或者踢波。另外亦都會用嚟做交流會或者夏日祭典嘅會場。


info_roomrobysports yard




到目前為止主要嘅發展里程

因應時代變遷而作出變化嘅日文學校

school image

大阪YMCA日文學校創立於日本開始國際化嘅1969年,為咗住响大阪附近嘅外國人可以學習日常會話,理解日本文化而開設。之後,開始招收想响日本學習嘅亞洲留學生,1985年開設全日制課程,1989年得到﹝財﹞日本語教育振興協会嘅認可。自此之後,實行種種嘅教育研究、開發新教材,持續提供優質嘅日文教育,繼而成為日文教育先驅之一。

到目前為止主要嘅發展里程

1969年開設短時間課程
1985年於大阪市北區堂島開設全日制日文課程
1988年舉辦支援留學生嘅「留學生義賣」
同年 開始義工導師制度
同年 開始大阪YMCA國際獎學金制度
1990年 天王寺「阿倍野YMCA學院」開設全日制日文學校
1990年 開設「成為日文教師的課程」研討會
1991年 出版日文教科書「中級から学ぶ日本語」(研究社)
1993年「YMCAヴェクセル」從堂島轉到弁天町而且改為全日制學科
1994年 出版日文教科書「上級で学ぶ日本語」(研究社)
1995年 出版日文教材「上級ビデオ日本語教材」(NHK凡人社)
1999年 開始獎學金制度同時實施獎勵金制度
2002年 新建校舍 (上町校) ,而且改名為「大阪YMCA學院 日本語學科」
2003年 出版教學書「中級から学ぶ日本語‧改訂版」(研究社)
開始以NPO‧NGO團體關係人為對象嘅獎學金制度
開始以基督教教職員為對象嘅獎學金制度
2004年 學生宿舍“野之花寮”開館
2005年 開設首爾聯絡事務所“日本YMCA教育交流中心”
2006年 開設受到日本文部科學省認可嘅「升學預備課程」
2009年 開設「實用性日文課程」
2010年 實施夏季集中課程「暑期兒童日語課程」

得到眾多日文研修團體嘅受託

受理各國政府派遣團體嘅進修

2000年~ US AIR FORCE士官研修(美國政府派遣)
2004~2007年 澳洲日文教師研修(澳洲政府派遣)
2008年~ British Council 中‧高生日本語研修(英国政府派遣)

受理民間機關

●韓國嘅高中生日文研修
2006年 首爾外國語高校 日本研修(夏季集中)
2007年 水原外國語高校 短期日本研修(夏季集中)
2008年 東豆川外國語高校 短期日本研修(夏季集中)
2008年~ 昌原南高校日文研修
2010年 光雲大學日本研修
●其他
1996年~ 台灣 彰化YMCA團體組織夏季・冬季集中課程
2008年~USA猶他大學學生夏季集中課程 (由佛教大學派遣講師)

研究開發等實績

獲得日本語教育振興協會頒贈教材研究開發等補助金
1991年 「開發教學用嘅錄影帶作為上級教材」
1992年 「製作以中上級學習者為對象嘅語彙、分類、例句」
1993年 「製作日文中上級學習者適用嘅例句文集」
1994年 「製作初級學習者適用嘅閱讀教材」
1995年 「日本語上級學習者適用嘅語彙項目,以有效率學習為目標所作成嘅系統練習方法集 確立1」
1996年 「日本語上級學習者適用嘅語彙項目,以有效率學習為目標所作成嘅系統練習方法集 確立2」
1995、96年「開發義工導師制度/對外國人留學生團體咨詢嘅可能性」
1997年 「母語知識導入及練習」
***
2011年 開發iPhone日文水平檢查應用程式 「日本語 Checker N3」